رسالة الاخ/ عمر كاوتست..........!!!!!؟؟؟

الاخوان والاحباب الدفعة..........
السلام عليكم ورحمة الله وبركاته
في البداية نترحم علي روح والد الزميل ود الامين ، وربنا يتقبله ويحسن اليه، ويجعله مع الابرار والصديقين. ويمن علي اخونا الفاتح البر بالشفاء والصحة والعافية ونجاح العملية باذنه تعالي.
اخواني .......كيف حالكم .....انشاء الله الامور[ بسط في هذه الايام العصيبة علي بلادنا .... وربنا يجيب العواقب سليمة. والايام الفاتت شكلت غياب لفترة طويلة لظروف تقنية لتعطل اللاب توب ....... ولظروف اسرية خاصة رزقنا بعدها بالامورة اسيل كمال...... وطبعا جاءت في وقت صعب جعلها الله من الصالحات الطيبات.
اتمني ان يكون كل الاخوة b بالدفعة قد اطلعوا علي رسالة الاخ عمر كاوتست] الموجهة للدفعة والتي ارسلها من امريكا وفيها الكثير الذي يمكن ان يثري النقاش والحوار بين افراد الدفعة . طبعا الرسالة بالانجليزي ....... وهنالك العديد من الاشياء التي حوتها الرسالة ومحتاجة لردود من مختلف الاتجاهات الفكرىة داخل الدفعة....... بس هنالك جزئية متعلقة بي شخصيا محتاجة لتوضيح في رسالة عمر ........ حيث ورد اسمي بصورة خاصة مع اسم الاخ الكريم عثمان حميدة .....له التحايا والتقدير ، في موضوع الرسالة...... وانا ما عايز ارد حتي اجد تفسير او المقصود شنو بكلمة ال Gang التي جاءت في صياغ كلام عمر....... in current usage it denotes a criminal organizatio وانا عايز عمر يورينا المقصودشنو بالضبط ....... او فرز يا ديجانقو......بلغة الكاوبوي........

واخونا عمر انسان ما شاء الله عقلية جبارة وله مقدرات هائلة وانسان طموح...... وصاحب ملكة مطلقة في لغة اولاد جون...... عشان كده ده شعر ما عندنا ليه رقبة عشان نرد ليه بلغته الانجليزية الرصينة ...... وسوف ارد بالعربي عشان الواحد يعبر تمام.


وانا اتمني من الدفعة المساهمة والمشاركة الايجابية في ما طرحه عمر حول الفترة الحرجة التي تمر بها بلادنا ووقضايا الانفصال والوحدة والحرىة والديقراطية وحقوق الانسان والمواطنة ........ والقضية الاساسية المتعلقة بانسان دارفور والوضع المزري الذي وصل اليه!!!!!!
وارجو من اخونا غالب انزال الرسالة في موقع الدفعة ........
وفي النهاية عايز اشيد باخونا غالب وجهده الكبير لخلق التواصل بين الناس وانا مقصر كتير يا غالب لظروف انشاءالله تعدي واكون معاك يوميا لربط الناس جوه وبره..........

بس اخونا محمد احمد ما تنسي حبوب ال.............. نقوم نكتبها يقوموا يقرؤها غلط تبقي مشكلة....... عشان كده انت فاهمني....زز

مع تحياتي وتقديري
اخوكم كمال ابراهيم السيد

كمال
مبروكة أسيل وجعلها اللة من الصالحات

ماشاء اللة ياكمال وعينى باردة انتو لسع ( ربنا يحفظكم ويحفظ ام اسيل واخوانها)

الحبوب بتاعت السكرى بجيبهم معاى ياكمال عشان مافى زول افتكرهم حبوب ناس فايزر ( دى شركة بتاعت ادوية)

عموما باذن واحد احد معيد الاضحية بالبلد وطبعا كراعى فى رقبتى عيدى فى امدرمان وتانى يوم من الصباح على الجزيرة فغالبا نتقابل قبل العيد بيوم ولا ثالث ايام العيد باذن اللة

عمر كاوتست دا رسالتو دى وينها ؟؟؟؟؟؟؟

الأخالعزيز كمال تحياتي لك وعبرك لكل الأخوة الزملاء

أولاأسمح لي أن أقدم حار التعازي للأخ العزيز محمد الأمين في وفاة المغفور لهوالده وأسأل الله أن ينزله منزل صدق مع النبيين والشهداء وأن يتقبله أحسن القبولويلهمه والأسرة الصبر الجميل.
كذلكتمنياتي للأخ الفاتح البر بعاجل الشفاء وأن يجعله الله كفارة وطهور.
ثالثاألف مبروك وصول أسيل التي أطلت كومضة شعاع في هذا الوقت المكفهر .. جعلها الله منبناتنا الصالحات وأقر عيني والديها بها.

اطلعتعلى رسالة الأخ العزيز عمر قمر الدين وأعدت قراءتها مرة أخرى بعد ملاحظتك عنها. وأرجوأن تتاح الفرصة للتعليق على الرسالة ومرفقاتها بتفصيل أكثر حسب اقتراحك. ولكن وودتأن أعلق على الجزئية الخاصة بورود اسمك في الرسالة. ففي رأيي – الذي أرجو أن يؤكدهعمر – أنه أورد إسمك فقط في سياق الاستعانة بك في استنباط الدلالات الإحصائية لوجودإثنين من نفس الدفعة يجتمعان في نفس الوقت لمخاطبة نفس الجهة .. وليست أي جهة إنماالكونغرس ذات نفسه. ويقيني أنه اختارك بحكم تخصصك في الإحصاء، وحدسي أن كلمةgang لم يقصد لها أن ترد سياقسلبي. وأرجو ألا أكون مخطئا.

أقولقولي هذا وأود أن أعبر عن أمر أراه في غاية الأهمية وأعتقد أنه يجب ألا نغفل عنهإذا كنا نود أن للرابطة التي تجمعنا أن تستمر، وهو أننا يجب أن نسعى ما استطعنا لأن ننأى بالسياسة عن علاقاتناالأخوية التي هي عبارة رابطة إنسانية محضة من واجبنا أن نرعاها .. فهي باقية مابقينا بينما تقلبات السياسة لا يمكن التكهن بها مطلقا ودوننا من الشواهد في الساحةالسودانية ما يؤكد كلامي. قد لا يتفق البعض معي خاصة أولئك الذين لديهم قضاياوهموم (وليس سياسة) يحملونها وقد نذروا حياتهم لها يعتبرونها رسالة مقدسة تعلو علىكل شيء – وكثير منا يحمل مثل الرسالة بشكل أو بآخر وهو أمر يستحق التجلة والاحترام ولا يستطيع أحد أن يحجر هذا الحق على أحد.ولكن همنا ألا تؤثر على علاقات الدفعة وكيانها الوليد. ويبقي التحدي أن ينهضالواحد منا بما يراه من واجب تجاه قضيته المحورية وفي نفس الوقت نحافظ على روابطالدفعة الوثيقة.

كسرة:أشاركك الرأي في جزالة ورصانة لغة الأخ عمر الإنجليزية (وقد احتجت أن ألجأ للقاموسمرتين لمعرفة معاني بعض الكلمات) – بس ما يكون نسى لينا العربية وقد كان أحسن منكتبوا بها
كسرةثانية لمحمد أحمد سعيد (خايف إجازتك كلها تقضيها عندنا في أم درمان وناس الجزيرةيجو يسلموا عليك هنا)

تحياتي
عليسالم )

الاخ الفاضل / علي سالم وعبرك التحايا موصولة للاسرة الكريمة

كيف الاخبار وحال الدنيا والغربة الطالت......... سعيد لتواصلك ومشاركتك في ما طرحه اخونا عمر كاوتست، ووجهة نظرك بالدلالات التي يعنيها في سياق ورود اسمي ........ وصدقني يا علي انا ولمعرفتي القريبة من كاوتست والعلاقة الخاصة بيننا ، فقد ذهبت الي نفس فهمك للموضوع ......... ولكن حرف العطف and وكلمة the gang يؤدي الي تاويلات اخري حسب فهم البعض........!!!!!!!!
وللمعلومية انا وعمر كنا مخططيين سواء للسفر الي امريكا في بدايات 90 وانتظرني اكثر من شهرين عشان اعود من نيالا الي الخرطوم ونسافر مع بعض ، ولكن لظروف خاصة لم اتمكن من السفر . بالتالي علاقتي به علاقة ذات خصوصية مبنية علي اشياء كثيرة مشتركة ممتدة منذ الجامعة وحتي الان والتواصل لم ينقطع طوال هذه الفترة ...... صحيح ممكن ينقطع لمدة مش قصيرة ونستمر........ عشان كده انا غير منزعج لمعرفتي بمعدنه....... بس هنالك بعض الاخوان قالوا لي عمر هبشك !!!!!!!؟؟؟؟ ومنتظر التفسير منه شخصيا لازالة سوء الفهم .


انا معك اخي علي ....... فيما ذهبت اليه من عدم تاثر علاقاتنا الانسانية بالسياسة واختلاف الرؤئ الفكرية ..... لكل منا فهمه للسياسة والفكر ، ويجب احترام الاختلاف بيننا ويظل الود قائم ........ والاحترام


مع حبي وتقديري

اخوك كمال ابراهيم السيد

ali salim كتب:

[كسرةثانية لمحمد أحمد سعيد (خايف إجازتك كلها تقضيها عندنا في أم درمان وناس الجزيرةيجو يسلموا عليك هنا)

تحياتي
عليسالم )

أنا لاقيكم وين يا أبو أحمد وانت من الذين جعلونى مغرم بهذة الامدرمان

كمال

ورقة عمر دى وين واللة نحن غرقانين لى اضنينا فى حراسة قروش الرجال ربنا يرد غربتنا