د. لوكا بيونق

يكفينا فخر ياابو علوة انو لوكا من اولاد الدفعه ...دفعة 83 ومتطبع باخلاق الدفعه ووالله اولاد وبنات الدفعه دى كلهم ماهينيين وقامات فى الاخلاق وحلو المعشر والاخوة الصادقه وهم ناس وسطيين فى اى شى حتى السياسيين فيهم من ايام الجامعه كانو مقبولين من جميع التنظيمات السياسيه واوريك السبب شنو .. السبب هو سودانيتهم العاليه يعنى شوف ابناء الدفعه القامات ... شوف على محمود كيف فتح منزله للدفعه اواخر رمضان ونزل للعام 83 وذاب فى الموجودين واعطى بسخاء من ماله ومن وقته بكرم غير مسبوق لناس قروا معاهو قبل 27 سنه...شوف محاسن الطيب اتت مباشرة من المستشفى ورجلها مكسورة واصرت على حضور الحفل حتى نهايته وهى تئن من رجلها المكسورة ...شوف نبوية وهى تهظر وتشاغل فى الفاتح وع الرحمن نورين شوف عمار جاء من الابيض عشان لمة بنك السودان شوف الربيتر جاء من القضارف عشان نفس اللمه شوف رجل القضارف المخضرم الباقر مالك وهو شيخ طريقه وهو يداعب ارباب وكانه الباقر بتاع 83 شوف محمد الصادق وهو حزين ويتمنى ان يعود للسودان ولايغادرة شوف مها العبيد وهى مهمومه بهموم ومشاكل ابناء الدفعه شوف انت وتكلمنا بالتلفون من جده فى حفل افطار على محمود فيا على يااخوى ناسنا ديل مذهلين جدا والفخر لنا ان نكون احد افرادهم نسال الله ان يديم الموده بيننا والالفه وحفظ القامات ذخرا لخدمة هذا البلد تحياتى لك ياجارى العزيز (بالمناسبه على اقرب جار الى من ابناء الفعه فمنزله يع على بعد كيلومتر واحد من منزلنا ولكن للاسف فهو منزل صيفى يستعملة فى الاجازات فقط) تحياتى لاسرتك وهل سافروا ولاموجودين