مرحبتين بود على الطيب بالسعودية

شرفنا بالسعودية الاخ العزيز عادل على محمد الطيب الف مرحب بود على الطيب وأسبوع قليل نتمنى ان تمد الزيارة وفى انتظارك بالرياض والف مرحبا

يامحمد احمد سعيد قول ليه عادل يجيب لى معاه عطر اسمو leverger shop وهو عطر من passion fruit موجود فقط فى اليورمارشيه وبالله قول ليهو ماتتاخر علينا اصلوا ماشفنا ليهو ايى شى هنا من اصبح اقطاعى يمتلك الالاف الهكتارات فى شندى مع تحياتى لك ولاسرتك

الاخوان محمد احمد سعيد
وعادل علي الطيب
السلام والتحايا للكل, اول حاجة نبعث باحر التعازي للاخ عادل في وفاة نسيبه والد المدام بالسعودية, وربنا يرحمه ويغفر له ويجعله مع الشهداء والصديقين في فردوس النعيم.
وثانيا شنو اخبارك يامحمد احمد........ والاولاد كيف..... بعدين قول لعادل العطر الطالبه غالب ده خليه دبل!!!!!!! لانه قطع شك حاجة عجيبة
مع اشواقي
اخوكم كمال ابراهيم الس

نسال الله الرحمة والمغفرة لوالد زوجة الاخ عادل وياكيمو الاخبار دى رسلا لى على ايميلى حتى اضعها كاعلان عاجل متحرك بعدين بالنسبة للعطر ده عندو مشكله واحده انك لو استعملتو فسوف تدمن عليه لانو مصنوع من زهر الافندر وهو عطر يروق المزاج بشكل عجيب عندو مشكلتين فى الحقيقة ....المشكلة الاولى ازعاج الناس فا اى واحد يشمو حايقول ليك "ياخوى الريحة السمحه دى اسما شنو واشتريتا من وين وبيه كم" والمشكلة التانيه... اى فراشه تلاقيك حاترك فيك فهو عطر جازب بشكل عجيب لجميع انواع الفراشات بمعناها الحقيقى والمجازى فلو كنت مستعدا لوضع كهذا قو اهيد.

اها كان كده يا غالب بلحيل انا دايره ........ بس خلي هذا الشهر الكريم يعدي بنفحاته الطيبة...... بعداك عند قبايل العيد نشوف قصة هذا العطر العجيب....... لو الواحد فيه رقشة!!!!!!!!!!!!!!!!!!
بس دحين يا اخوي غالب ...... انت من زمن الجامعة داك كنت بتستعمل الريحة دي ......!!!!!؟ اتاري الفراش كان ماشي اتجاه واحد غشان كده .....!!!!!!!! كنا لايصين ساكت و ما عارفين سر اللعب ...... الله يجازي محنكم يا اولاد ام درمان ...... بعد ثلاثين سنة تجي تكشف السر !!!!!!! بعد ما زمنا فات و غناينا مات ..........
بعدين يا غالب اخوانا احمد الطيب وعلي سالم وكاوتست وحازم ............الخ كانوا بستعملوا نفس العطر!!!!!؟
اتاريه ناس محمد احمد سعيد وابو ضامر والرشيد الفيل وسبيل ومحمود ابوسماحة وحسين اسد وتاني منو ..... ياجماعة.........؟ وغيرهم كانوا ماسكين في بنت السودان الزي الفليت يطرد في الفراشات ويحاحي فيها !!!!!!!!! ويلم لينا ..........!!!!!!!؟؟؟؟؟؟؟؟؟؟؟؟؟؟؟؟؟؟؟؟؟

مع تحياتي وتقديري وربنا يتقبل منا الصيام والقيام وصالح الاعمال ........امين يارب

اخوكم كمال ابراهيم السيد

والله ياشيخ الباقر كيموا ده لسع شباب وياهو كيمو ذاتو بتاع المين رود وماتغير اها ماعارفين نعمل ليهو شنو ؟

مرحبا بالاخوة كيمو وغالب وشيخ الباقر المحيرنى دا وشوف واللة بعد العيد بأذن اللة سابذل قصارى جهدى واصلك فى القضارف واحضر الحولية بعد داك شياختك دى تركب لى فى راسى

كمال انتو ما بتخافو من نسوانكم شنو فاكين الحنك كدا ياناس انتو ما بتخافو منهم امكن الناس القاعدين فى البلد شوية عندهم شوية شجاعة زوجية وطبعا نحن اخربنا خراب الترب من النوعية دى من الشجاعة وخصوصا عندنا هنا فى مراقبة برضو الكترونية اكان مرقت من الام البنات بجيبن خبرك

ففصاحة الناس القاعدين بالبلد اشك فى انها شجاعة زوجية بقدر ما cheif in command ما بتابع الاشياء الاسفيرية دى

ويا كمال اجيك من الاخر عندنا وصية حكيم فى الغربة ( أتنين لا تخالفهم ولا تحاججهم الزوجة والكفيل) دى عشان تنعم بالغربة

واخونا غالب دا مابعرف هنا كان كويس ومطيع ونسى حاجات الجامعة لكن شايفو ركب مكنة الناس القاعدين بالبلد ولكن هرشة واحدة بتجيب خبرو
( نحن الودانا امدرمان شنو)

Kamal Ibrahim ELsayed كتب:

اها كان كده يا غالب بلحيل انا دايره ........ بس خلي هذا الشهر الكريم يعدي بنفحاته الطيبة...... بعداك عند قبايل العيد نشوف قصة هذا العطر العجيب....... لو الواحد فيه رقشة!!!!!!!!!!!!!!!!!!
بس دحين يا اخوي غالب ...... انت من زمن الجامعة داك كنت بتستعمل الريحة دي ......!!!!!؟ اتاري الفراش كان ماشي اتجاه واحد غشان كده .....!!!!!!!! كنا لايصين ساكت و ما عارفين سر اللعب ...... الله يجازي محنكم يا اولاد ام درمان ...... بعد ثلاثين سنة تجي تكشف السر !!!!!!! بعد ما زمنا فات و غناينا مات ..........
بعدين يا غالب اخوانا احمد الطيب وعلي سالم وكاوتست وحازم ............الخ كانوا بستعملوا نفس العطر!!!!!؟
اتاريه ناس محمد احمد سعيد وابو ضامر والرشيد الفيل وسبيل ومحمود ابوسماحة وحسين اسد وتاني منو ..... ياجماعة.........؟ وغيرهم كانوا ماسكين في بنت السودان الزي الفليت يطرد في الفراشات ويحاحي فيها !!!!!!!!! ويلم لينا ..........!!!!!!!؟؟؟؟؟؟؟؟؟؟؟؟؟؟؟؟؟؟؟؟؟

مع تحياتي وتقديري وربنا يتقبل منا الصيام والقيام وصالح الاعمال ........امين يارب

اخوكم كمال ابراهيم السيد

كيمو جاى تفتش الماضى الذى ولى وراح

أشوفكم متشبشبين بلحيل نحن راقدين سلطة وكلام زمان زهايمر ( بح) تجيب سيرة الجامعة زمان ولا سيرة العرس التانى تف العيش تنجلد لسان ( راحت علينا ) هرشة واحدة تبقينا مولانات عديل

واللة يا كيمو الا افشل فى انى القى العطر لكن ابشرك بانو جايبو ليك جايبو ليك وشفت الليلة حوامة لحدى ما احصلو وانشاء اللة بس يا كمال مما تتعطر بيهو ما يقابلوك الا عوانس وزارة الصحة والباقى على اللة

وفصاحتكم دى بجيب خبرها وجاى العيد وبصلكم فى البيوت وبورى عيالكم الفصاحة فى النت دى ونشوف البركز منو (شجاعة اسفيرية مفتعلة علينا)